Respuestas
Respuesta:
Explicación:
) la Conseyería de Cultura del Principáu editó una novela xuvenil mía que llevaba por títulu: «Memoria de los Cimeros». Fízolo nuna coleición de curtia vida que se llamaba «Lletres moces» empobinada a testos escritos pa rapazos. La portada yera del mio amigu Astur Paredes y los dibuxos del interior d’otru amigu del Entregu, Manuel Antonio Sánchez. El llibru ta yá agotáu dende va munchos años y creo recordar que tuvo bastante bones crítiques.
Pues bien, ventisiete años depués reedítase, esta vuelta en castellán, una nueva versión de la novela a manes de la editorial Hillman Publicaciones, en collaboración cola colombiana Libros&Libros, SA. Trátase non sólo d’una torna sinón d’una versión fecha adrei palos llectores llatinoamericanos, con abondos cambios y correiciones que me llevaron bastante tiempu de trabayu. Acaba de llegame de Bogotá el paquetín colos llibros d’autor que me correspuenden y confieso que me produxo la mesma emoción ya ilusión que’l primer llibru publicáu. Nesta ocasión los dibuxos son del estupendu José Parodi y la diagramación de Óscar Cangrejo Merchán, trabayando toos, yo incluyíu, embaxo les órdenes de la editora Rosa Adriana Buriticá a la qu’aprecio grandemente, pese a les diferencies que tenemos dacuando. Cuasi siempre ye ella la que tien razón. Dame pena que’l llibru nun se distribuya n’España, ya inclusive en Colombia ye difícil atopalu nes llibreríes porque estes editoriales trabayen direutamente coles escueles y colexos. En cualquier casu, si dalguién tien un interés descomanáu por facese con un exemplar, d’un par d’ellos pudiere disponer o podríen pidise a la propia editorial (abúltame que, pese a los norteamericanos, Google sigue funcionando). Pongo darréu unos pocos de los dibuxos del interior, xunto cola portada, onde pue vese lo bien que se treslluz el tonu mitolóxicu de la novela.