Texto en guarani de género narrativo... Me ayudan por favor
Respuestas
Respuesta:
Si que necesitas para hacerlo
Mburukuja
Peteĩ táva hérava Mborayhúpe oiko oñondivepa túva, sy ha hogaygua, joayhu ha
tekojoja apytépe. Túva omba’apo oñemyatyrõhápe mba’yruguata, sy ombovyvy ao
opavave mba’erã; mitã tuichavéva ko’ẽre oho mbo’ehaópe, michĩvéva katu opyta aja
isaraki korapýre. Mburukuja mitãkuña oguerekóva pakõi ary, peteĩ jey ,mbo’ehao
rapére ojuhu mokõi hapicha tuichavéva ichugui rehe, ha oipepirũ ichupe opia hag̃ua
hapégui ohechauka hag̃ua ichupe ao iporãmba jepéva, kuairũ, namichãi ha itasã
omimbipáva verágui.
Heta ojepy’añemongeta rire, omboyke isy ha itúva ñe’ẽ, oñomi mbo’ehára mbo’e, oguata kyhyje ha py’atytýipe oho iñangirũnguéra ndive.
Og̃uahẽ hikuái peteĩ óga morotĩ michĩmíme upépe omomaitei ichupekuéra peteĩ
kuñakarai horýva tapiaite, oipepirũ ichupekuéra oike hag̃ua ikotýpe, oikuave’ẽ
mba’ehe’ẽ ha yva rykue.
Panchíta, iñangirũ oguerekóva papo ary, ojerure Ña Pérlape (upéicha héra óga jára)
ohechauka hag̃ua ichupekuéra umi porãita oguerekóva. Torýpe kuñakarai omyasãi
mesa ári ao ha mba’evera he’i haguéicha tapichakuéra. Oñeporãndúve chupe
hepykuére oñepyrũ omombe’u peteĩteĩ.
Omohu’ãnguévo ko tembiapo he’i mitãkuñanguérape:
-Peipotáramo opa mba’e ha penemboriahúrõ ikatu pehupyty peho ramo Paraguaýpe
che angirũ Tani rógape. Ha’e hóga tuicha ha oikotevẽ mitã pyahúre oñangareko
hag̃ua hese ha hógare - he’i avei - upe tembiapóre ohepyme’ẽ porãiterei.
Pe pirapirére ikatúta peñemoarandu, peipytyvõ pende sy ha pende rúpe ha pejogua
opa mba’e perohorýva guive. Asajepytémarõ oje’ói hikuái hogakuérape.
2
Upe ára guive Mburukuja ndaipy’aguapyvéi, ivaíma ichupe hóga pegua ha hemiandu
oveve Paraguaýre.
Peteĩ jey, imbo’ehára, kuñataĩ Margarita, ojesarekóva hese tapiaite ohenói ichupe
oporandu hag̃ua mba’épa pe omyangekóiva hekove.
Mburukuja ohayhu imboe’ehárape, upémaramo omombe’u ichupe umi oñandúva.
Mbo’ehára ohendu kirĩhápe ha upéi oporandu mitãkuñáme mba’ére nomombe’úi isy
térã itúvape pe oñandúva, ha Mburukuja ombohovái:
-Ndaikuaái, ha’ete ku che ñe’ãme ojehe’áva kyhyje, ñembyasy ha pochy avei.
Upe ñomongeta rire, mbo’ehára Margarita ohekáma Pérla róga, oitypeka opa mba’e
hekove ha ñemondyihápe ohechakuaáma Pérla ndaha’éiha kuñakarai potĩ, ha’e
omba’apo kuña ha karaikuéra ndive ogueraha hag̃ua mitãkuña pyahu Paraguaýpe
hekovai hag̃ua.
Tag̃éme oho Mburukuja rógape ha py’atytýipe omombe’u umi oikuaamíva hemimbo’e
ha itúvakuérape.
Mburukuja ohechakuaa oñemboykeha ichugui pe tape ñuatĩgui henyhẽtéva ha
ipy’aguapyjey ymaguaréicha.