Respuestas
Respuesta: espero que te sirva de lago es un poco largo jj
Explicación:
Na hestoria de la ciencia, la alquimia (del árabe الخيمياء [al-khīmiyā]) ye una antigua práutica protocientífica y una disciplina filosófica que combina elementos de la química, la metalurxa, la física, la medicina, l'astroloxía, la semiótica, el misticismu, l'espiritualismu y l'arte. La alquimia foi practicada en Mesopotamia, l'Antiguu Exiptu, Persia, la India y China, na Antigua Grecia y l'Imperiu romanu, nel Imperiu islámicu y dempués n'Europa hasta'l sieglu XVIII, nuna complexa rede d'escueles y sistemes filosóficos que toma siquier 2500 años.
La alquimia occidental tuvo siempres estrechamente rellacionada col hermetismu, un sistema filosófico y espiritual que tien los sos raigaños en Hermes Trimegisto, una deidá sincrética grecoegipcia y llexendariu alquimista. Estos dos disciplines influyeron na nacencia del rosacrucismo, un importante movimientu esotéricu del sieglu XVII. Nel intre de los empiezos de la dómina moderna, la alquimia dominante evolucionó na actual química.
Anguaño ye d'interés pa los historiadores de la ciencia y la filosofía, según polos sos aspeutos místicos, esotéricos y artísticos. La alquimia foi una de les principales precursores de les ciencies modernes, y munches de les sustances, ferramientes y procesos de l'antigua alquimia sirvieron como pilastres fundamentales de les modernes industries químiques y metalúrxiques.
Anque la alquimia adopta munches formes, na cultura popular ye citada con mayor frecuencia n'hestories, películes, espectáculos y xuegos como'l procesu usáu pa tresformar plomu (o otros elementos) en oru. Otra forma qu'adopta la alquimia ye la de la busca de la piedra filosofal, cola que se yera capaz de llograr l'habilidá pa transmutar oru o la vida eterna.
Nel planu espiritual de la alquimia, los alquimistas debíen transmutar la so propia alma antes de transmutar los metales. Esto quier dicir que debíen purificarse, preparar por aciu la oración y el ayunu.