Question

11.ROHECHAGA´U
Hi´ante chéve aveve
aguejymi ne rendápe
añe´emi ndapysápe
... cheangapyhyha peve.
Néina pykasutimi
cherupi nde pepo ári
ha che rembiayhu jyva ári
jaha tapytu´umi.
Hi´ante che guyrami,
aguejy nde popytépe
ha pe nde rova yképe
rohavi´u mbeguemi.
Añenóro ake haguá
ne ñe´e chemyangekói
hi´a vaicha che renói
nendive aimemi hagua.
Máicha mopo rohayhu,
ku mombyry reimehápe,
mamo ajesarekohápe,
ne anguémante ajuhu.
Ama´éro nde rehe
remimbi che resayképe,
ha amo kuarahy reiképe,
che´ahomi nde rehe.
Marcelino Pérez Martínez

Answer 1

la verdad de que no se entiende